Day 177 - 按摩班+逛超市

昨晚軒軒醒了好幾次，所以今日媽咪好累，最後要趁軒軒睡第一個午覺時補眠。之後醒來就準備同軒軒出發去產後運動及嬰兒按摩班。即係話早上媽咪什麽也沒有做。（點解我0甘忙！）

媽咪食午餐時發現軒軒好有興趣，得啦。媽咪下午買牛油果和番薯比你過兩日加固！

今日按摩班比上堂順手，而軒軒又係頭半堂媽咪做運動就好乖。

乖到媽咪行開佢望都唔望。其實佢由頭到尾都係望其他媽咪無理過自己媽咪（係屋企又痴身痴世）。

之後仲玩到包住自己！

到按摩環節就依舊無時停，搞到媽咪按得超論盡，要玩膠袋先比媽咪按！

上完堂我0地就去Shoppers同軒軒買類固醇cream。雖然我覺得軒軒面仔已經比前兩日好，但媽咪見軒軒都仲係成日好扭計，怕佢係因爲面仔搞到唔舒服，所以最後屈服了，跟醫生建議買了類固醇cream。

之後就去超市買野比軒軒過兩日開始加固。（好期待呀！）

回程時先發現軒軒已經5小時沒有吃奶（路途太遙遠），所以開始扭計。媽咪拿拿臨返屋企讓軒軒吃飽飽和換片。點知又見到軒軒片片有血絲。。。唉。。媽咪已經戒得好清。係前幾日試過忘記了吃了1/3個魚柳包（裏面有片芝士）。都唔知是否有關係。媽咪好苦惱。。。如果軒軒沒有好轉，媽咪年尾去日本點算！！！什麽甜品都不可以吃了。

晚上等軒軒睡覺，媽咪就出去做運動。已經一個禮拜三次了，好乖呀！