三色椒白酒海鮮意粉(附食譜)

其實最近非常愛入廚。。。差不多日日煮，但就真係無時間寫blog記低。莫講話將yahoo0的舊post搬家了。

但萬事起頭難，快快脆脆開個頭希望之後可以持之以恆。

前兩日跟<鬼嫁>的食譜整完墨西哥pizza，用剩好多三色椒。點好呢？平時weekend好多時候都出街食lunch,但見大少爺仲睡到死豬0甘。不如整埋雪柜的leftover啦。

想起昨日爲0左整百勝廚Laksa買0左0的急凍海鮮。。。不如就整個三色椒白酒海鮮意啦！

上網求其找個食譜參考下先。

以下係我參考的食譜~

http://www.epicurious.com/recipes/food/views/Sweet-Peppers-with-Pasta-102237

不好意思，因爲本來想整個quick lunch,所以沒有拍很多照片，而且分量都係大概記得，所以大家都可以跟返上面的link~但我覺得它三色椒分量太多，所以沒有跟~

白酒1/4杯
急凍蝦6-7隻（我先用暖水浸一陣去雪味）
帶子3-4隻（我先用暖水浸一陣去雪味）
三色椒每種1/3個(切絲）
鹽/黑胡椒 適量
蒜茸1 - 1.5湯匙
葡萄籽油2湯匙
意粉半磅

1）我用0左LC 32cm buffet炒。先加葡萄籽油和蒜茸中火炒香。（記得用LC要凍鑊凍油啊!)
2）之後落三色椒，白酒，鹽/黑胡椒 ，炒十分鐘左右，再落海鮮炒多5到10分鐘。
3）另外煲一煲水，落適量的鹽（應該要試得出少許咸味先夠），水滾落意粉。之後根據包裝所講的時間去煮，或煮到自己喜歡的硬度 。之後隔去水分，千萬不要用水沖意粉。
4）到海鮮熟了，就可以加已經煮好的意粉，撈勻。再試試味，唔夠就再落鹽，撈一撈。之後關火。 0甘就ok啦。。。

其實可以邊炒邊試味，因爲要看你喜歡食淋身d定爽身d 的三色椒~

 蒜頭我係跟<鬼嫁〉教，先整定一瓶，加油，可以keep一個月。白酒我是用這種的。沒有太大研究，隨便買，大概CAD11(HKD 80) 一支.

我的是就煮了九分鐘，視符你用邊種意粉，我用的是這一種。

用LC好處之一係可以直接上枱

三色椒生吃熟吃都好好味，而且超級健康，有豐富維他命同抗氧化。。。各位愛美的JM記得多吃一點啦~