本來老公話結婚周年叫個妹0來屋企幫手看著軒軒等我0地可以出去慶祝。不過，要放低個仔，我確實興趣不大。唔係話唔捨得或唔放心（雖然兩樣都有少少），係無必要。呢邊d餐廳都好baby friendly,就算帶買BB去都唔難。你話二人世界，我又唔太feel到有需要。最後記得老公之前提過想落西雅圖，0甘我話結婚周年一家落西雅圖行0下啦。雖然係long weekend，但老公check過應該過關唔會太耐，所就拍板了。之後，老公提議不如book一晚酒店啦，整個兩日一夜trip。
天氣不似如期
出發啦！
星期六一早我地就好順利0甘過關了。先去Seattle Premium Outlet逛逛。估唔到都有d斬獲。好快就買到軒軒件游泳上衣同萬聖節裝，仲買到頂冷帽。至於自己竟然買到睡褲，波鞋，hoodie同2件Tee。(因爲我個size實在好難買到衣服)老公就買了一對同我同款的波鞋。我地第一次有情侶鞋呀！
之後去了LC潮聖，看到一個灰粉紅的24cm round 40%off…心思思，但因爲本身對灰粉紅興趣不大，所以最後都係想去完香港同日本看看有無特別色先。買買下都搞到一點幾。之後去了食BBQ。
呢塊牛排骨唔係日日有，超軟超油，好味道，但食兩淡就飽了。
之後出發去downtown,但highway超塞車，搞到遲上加遲。去Pike Place Market逛了一會兒買了咖啡就離開了。因爲本身要戒奶製品，所以好多野都唔食得。好彩都飲到杯好好味的椰汁腰果奶Latte。走前本來係target見到d 溫哥華比較難買的BB sunblock (Babyganics) 同冲涼液(California Baby)，但最後都係想再research一下，所以沒有買。現在有點後悔。
本來book了吃西班牙菜慶祝，但因爲有點累又唔太餓又想爭取時間shopping，所以取消了。打算去酒店check in休息一會先算。去到酒店見到佢地為軒軒準備的床竟然同軒軒件衣服撞色。（本來軒軒係著上年我地結婚周年買的第一件BBTee的。不過中突弄髒了件打底，搞到要換掉）
可能亞仔困carseat太耐，所以一落床就好開心0甘翻來翻去，超搞笑，感覺好似平時花生好開心係屋企跑來跑去0甘。
安頓好，我地就除發去Bellevue Square。其實去到都差不多8點，得1.5小時逛，所以啦啦臨去0左老公好想去的Uniqlo先。買完老公的睡衣（終于唔洗再見佢日日著住件陳年10孔睡衣），我就去Zara看看BB衣服。本來看中了一條好型的洗水灰牛仔褲，但老公話個仔0甘細個，唔好買真牛仔褲，要買有彈弓褲頭的。最後因爲條隊太長我連頂BB冷帽都放棄了。下一站去了Nordstrom看BB野，不過大部分都太貴，得個看字！
看一看時間已經9點鐘，最後放棄了吃鼎泰豐，去了365買熟食。可能隔離飯香，美國超市有好多特別的飲品。掃完貨就返酒店開餐。估不到我們的五周年竟然係酒店食超市外賣，太老夫老妻啦。雖然間中一次我覺得Ok…
結婚周年食呢D!
回到酒店軒軒已經在carseat 睡着。但因爲他吃得不多，所以最後都弄醒他再食奶。點知就因爲0甘，佢最後成11-12點先肯再睡。
No comments:
Post a Comment