Day 171 - 溫哥華打大風！

呢兩日溫哥華打大風，老公今日work at home。而我就帶軒軒早上去上Sign Language Class,下午去上Parenting Class。唔知點解軒軒今日下午parenting class時開始有d扭計，但佢明明吃飽睡飽。因爲大風關係我塞了一個多小時車才回到家，還好回程時大部分時間他在車上睡着。但因爲停電，最後還是要把車泊在街上。老公傻傻下話落來接我地，點知因爲停電，大廈門口鎖了。還好鄰居見到開門給我們。

回家因爲沒有燈，我們三個就坐在床上玩了一會。我以為可以乘機一家三口過下家庭樂，老公不會再不停玩電話。點知唔夠20分鐘，佢叫我帶個仔出房，佢要睡覺。當時個仔剛開大，出面又暗，真係有d鷄手鴨脚。 之後，個仔唔知點解不停扭。屋企好暗，雖然有個大電筒，但我一手抱仔，一手做野，都唔能夠成日拿著電筒。而且個電筒太刺眼，我唔想射住個仔。所以一直都好論盡。其實軒軒呢2個禮拜起濕疹，雖然一直唔覺得佢有唔舒服。但因爲越來越嚴重，我怕係因爲甘所以扭計。但因爲燈光關係，我看不清楚。之後一直安撫個仔大半個鐘左右，老公突然起來，我以爲佢聽到個仔喊想幫手，點知衹不過係個仔太吵佢去第二間房繼續睡覺。就係甘我係光綫不足的情況下照顧0左個不停喊的BB三四個鐘，到差不多九點幾佢先肯睡覺。而這時老公聽到我開始發脾氣就起來，但不夠5分鐘間屋就有返電。本來縂打算收埋電筒唔比佢用，等佢成晚要摸黑過。

之後我也不想跟老公説話自己佢睡了。凌晨起來時，老公問我係咪唔開心，我都唔想踩佢。之後個仔再喊我都無比佢抱。佢前後問了幾次我無答佢就無理，自己再去睡覺了。

雖然今日佢要做野，但work at home根本就好hea，就算平時返工佢都自己話其實唔辛苦。反而我昨晚（應該話晚晚）都睡不夠，因爲個仔最近又不停夜晚醒。加上我今日成日都帶仔上堂，其實我應該比他需要休息。但我唔明點解佢成日都覺得佢要就隨時可以休息。起碼都問聲我洗唔洗幫手啦。仲要今日屋企停電。個仔喊甘耐都無意識要幫我。之前又話停電就開燒烤爐煮飯。最後我連買了杯野飲都無時間飲。好彩我回家途中買了燒味，否則我連食都無得食。