2個幾月啦！

昨日好似係你離開之後我第一次無喊過。我成日好怕你變成過去，所以如果我發現我開始可以move on我又會内疚又會逼自己不停想起你的點滴。我縂要搞到自己喊個心先安樂一點。我怕如果我開始麻木，你最後變成可有可無。但呢幾日好似我真係適應啦。想起你，會可惜，會唔開心，但我知道我唔會忘記你。有時同細佬相處和溝通都會讓我想起你。因爲你們都係我的寶貝仔仔。雖然你只係一隻小狗，但你絕對係最特別的一隻。不過，對你那種仔仔feel開始模糊了。對唔住，我會不時看看你的照片，想想你，盡量令0個種感覺唔會消失。我知道就是突然消失，都衹是暫時性。因爲我聽説那種對狗狗思念的感覺就像海浪一樣，時高時低。衹有一看你的影片，所有感覺又會再回來。細佬就來加固啦。我成日都好可惜無機會見到你係佢highchair下執死鷄的情景。但人生就係充滿遺憾。希望你係彩虹橋開開心心啦。