Day 167 - 軒軒第一個Thanksgiving

雖然話個仔出世后會盡量多d慶祝不同的節日，但今個Thanksgiving真係無plan任何野，因爲前日晚先從Seattle返溫哥華。好彩軒軒姑姐話要同軒軒慶祝，所以叫姑丈過來整火鷄餐比大家食。

可能前兩日累透了（其實亞仔你成日都係坐係樹囉~~~），軒軒今日斷斷續續睡到10點幾。之後，我地去了附近超市買野整早晨。今日有d凍，加上爸爸話想試下唔用carseat改用rumble seat，所以未怕軒軒冷親，媽咪幫軒軒穿了舅父買的連身厚到死大衣。穿好之後成個愛斯基摩BB0甘。

3點幾，姑姐姑丈先到。姑姐同軒軒玩時姑丈就開始準備啦。到6點多差不多整好，嫲嫲就來到。今年爺爺要開工不能一起慶祝。（其實我地一向都無特別慶祝，今年大家都係為0左軒軒）

軒軒今日表演不過不是失啦，扭過幾野，但唔算過分。媽咪今日心情就ok…不過都有想起花生，躲在房裏哭了一會兒。今日主要為自己未能及早發現出了狀況，眼白白看著一切都無幫佢而難過。現在衹可以在這裏分享，因爲連爸爸都不想聽到媽咪再提了。

剛睡醒，見到唔係爸爸媽媽就委屈地哭了。

呢套都係舅父舅母買的。軒軒好少可0甘斯文。

同嫲嫲合照

 

火鷄好好味，最後我仲用姑丈留底的材料熬了個火鷄湯。