今日係沮喪的一日。一早起身發現眼鏡爛了。本來打算回香港才配，但應該等唔切了。
經Vivian介紹，我今日見了另一個兒科。但因爲過橋塞車加上clinic個電梯比人hold住，最後遲了15分鐘才到，要醫生等返我轉頭。
醫生係後生的cantonese。不過她説她廣東話不好，所以大部分時間我們也是講英文。感覺呢個醫生無之前0個個0甘求其。雖然一半以上的東西都同之前醫生講的差不多，但亦有些新資訊。而且我發現很多之前那個兒科還有家庭醫生說的東西好像都錯錯地。
她告訴我首先要搞清楚，BB如果食固體（除了奶和豆）有敏感，應該很快出現症狀，而且不會是大便有血，而是面上皮膚上看到的。如果大便有血就應該係豆或奶，而因爲我沒有給豆和奶他吃，那就很大機會是從我母乳裏傳給他。
她説雖然我戒了奶製品，但我沒有戒豆類，而豆類係包括豉油。如果我要繼續比母乳就一定要兩樣都戒掉。而且應該跟我之前不小心吃了芝士關係不大，因為通常衹會影響2個禮拜左右。但要100%戒掉是很難，叫我先試兩個禮拜，之後回來看看。她還給了我奶粉的資料，說我可以考慮停母乳，比奶粉。聽到這裏我居然眼都紅埋。可能太突然。。我覺得好唔開心。我辛苦0甘耐，又唔係無奶，亞仔又唔係唔食，我一直覺得靠母乳養到佢肥肥白白很有滿足0甘。我仲打算一歲后繼續餵，但現在突然6個月就告訴我無得餵，我覺得好失敗，唔可以比最好的比軒軒。雖然醫生話餵到6個月已經好好。。但我真係想餵耐d。好唔甘心。。個收成期太短了。但我知道要100%戒掉奶和豆係不可能，尤其是我會1月份會亞洲時。
之後，再問了醫生其他東西，比如她說其實大部分固體他都可以吃，就除了蜜糖，奶和豆製品。就算易過敏的食物也應該儘快介紹，反正每樣東西都試三日，ok就再加另一樣去試。另外，醫生有聽過Baby Led Weaning (立刻印象更好），她說她不反對，反正注意不要哽到同要加糊仔增加鐵質就ok.最後，她開了一個比較強的類固醇比軒軒的皮膚敏感和寫紙比我帶軒軒去驗血。
離開后我心情一直都很低落，除了不能給軒軒最好的，也為我母乳生涯快將完結而失落。雖然平時餵母乳好煩，但同時呢個係我同亞仔一個好sweet好close的moment…以爲到佢識行都仲會問我要奶奶，但現在沒有機會了。很快呢個會變成我一個人的回憶。
時間過得好快，無耐前佢剛剛出世，護士教我餵母乳，我晚晚不停餵。停止餵母乳就好似個仔開始另一個階段，踏出獨立的第一步。呢個感覺我估衹有餵過母乳的媽媽才明白。因爲成晚我on and off 0甘喊，老公都一頭霧水。
宜家仲要research奶樽奶粉同1月去旅行的裝備。點解要一波未平一波又起呢？我已經好忙好多野煩啦。
No comments:
Post a Comment