前一晚我地決定去第二間房睡，看看軒軒自己睡會不會睡得好一點。果然他只醒了一次而且第二朝醒了也自己玩。但一聽到我進房間就開始扭計。雖然係0甘，昨晚我還是睡得麻麻。最後只睡了4小時就帶軒軒去上堂了。前幾堂軒軒還不會爬，今天已經爬來爬去了。另外他還跟媽咪在產前班認識的韓國媽媽的BB女玩得很開心，很有互動。又摸人又想錫人。而BB女都摸軒軒面仔同握他的手。好sweet sweet呢！
返屋企后軒軒一直不肯睡，也沒有心機吃奶，最後搞了幾個小時才睡著。但一小時后又醒來了。
另外軒軒近兩個月可能因爲敏感問題體重一路升得唔理想。媽咪呢兩個月為軒軒加固，帶軒軒看醫生，擦cream(口水敏感)，補奶粉，加pump追奶已經筋疲力盡。點知道昨日磅重都仲有下降跡象。姑娘提議我盡量一日加固2-3次。但爲了讓軒軒學習self feeding同chewing，每次餐后所花的清潔時間很長。所以媽咪通常等爸爸回家才加固。要一日3餐唯有比d容易清潔的食物他。但因爲他有可能對黃豆，奶製品甚至wheat敏感，市面上買到的baby food/snack通常都唔食得。
所以今日媽咪終于有機會發揮所長啦。。。自家制BB 餅。。。連麵粉都用麥皮自己打0甘就一定無敏感啦。
不過軒軒有點扭計，所以媽咪最後都要開了一會兒電視分散他注意力。（真係很少用呢招）
個餅乾唔太難整。我自己拿麥片打粉再溝糊仔，油和水425度焗十幾分鐘。好彩軒軒都吃了一點。
媽咪細個已經想學好多野等第時教自己小朋友，可惜最後無樣野學得成。唯一係中意整0下野食。。。。以後唯有學整多d野比你食啦。。。希望你唔好覺得媽咪無用。
吃媽咪整的餅乾
吃媽咪昨天買的零食（起初唔太食，但慢慢喜歡了還會自己用手指拿起）
之後我們去接爸爸行商場（爸爸想去Gap 看Jacket)。
因爲太晚回家的關係，我們沒有照原定計劃比軒軒試三文魚，改爲再吃一次煎蛋。但軒軒今日很扭計，不但沒有吃太多蛋，連平時很喜歡的糊仔都唔係好食。最後clean up時又大發脾氣。到媽咪比奶粉時發現他可能太餓，因爲他超快就吃完奶。
買了塊新手帕公仔比軒軒抱著睡
No comments:
Post a Comment