以爲今日會有少少時間做自己野。。。但可能前日太晚pump奶，chur盡0左。搞到個仔凌晨個餐唔飽，之後不停醒，最後早上不停跟佢搏鬥。。拖拖拉拉到10點幾。之後食個early lunch看一陣電視已經要去Breastfeeding clinic。
去到同姑娘講了最近軒軒出血情況，體重下降，還有些加固問題。她覺得我現在加固方向ok不過可以aim2-3餐一日。也可以打811問dietitian。之後磅重發現軒軒又輕了一點。我真係好沮喪，已經很忙地加固（因爲BLW關係，每餐清理很長，又要洗衣服），不停擦cream,補奶粉，pump奶。。。但好像一點進度都沒有。連面仔頸仔都0係停0左2日類固醇之後再次紅返。想起我返香港前好多野已經唔夠時間做（包括減肥）我就好崩潰。以前去旅行前一定會地獄式減肥。。但現在連護膚都沒有時間。好怕返香港見到大家時又肥又殘。
離開Clinic之後順手申請了圖書証，借了兩本BB書。（我人生中除了以前係學校真係好少借書）不過因爲衛生問題，我估我只會遙距讀比軒軒聽，費事佢咬書。
。
很久沒有借書。。。今年為個仔踏出了很多個第一步
回家后他睡了一小時就起來，但又唔專心吃奶同不停扭計，搞到我忍不住大叫了幾次，開車接老公期間又哭了。唉。。。真係好辛苦。
接了老公就去Costco拿了眼鏡。。。前一副眼鏡帶來6年。。。終于換了。之前一直因爲太肥所以沒有心情換眼鏡，本來打算返香港配，但因爲上個禮拜舊的眼鏡爛了（雖然老公整返），所以還是在這邊隨便找了一副。
期間同老公講我怕返比人笑所以要減肥。但佢衹係話我唔可以只顧自己，要顧個仔。聽到我真係有d火。。我每日差不多100%都比嗮個仔。。。我點樣只顧自己呢？
最後一站去了Whole Foods買糊仔，baby snack同一些我可以吃的東西。
爲了增肥，今日出來煎蛋還有花生醬同4湯匙糊仔。。最後糊仔同花生醬吃了一大半，但蛋就唔係好識食，放入口之後玩玩下都無點吞。
Soy Free Dairy Free乾糧
Soy Free Dairy Free BB零食
No comments:
Post a Comment