Day 199–Nov 11 - 繼續失落~

昨晚第一次試奶粉，雖然衹是30ml但軒軒成晚都不停醒，好扭計。。。唔知關不關奶粉事。

今日我個心都仲好想keep奶量等香港返來繼續餵。但老公唔想。他又很擔心個仔體重下降的情況。所以好想快點比多d奶粉佢食。怕我的奶會一直搞到佢唔吸收。爲了説服老公支持，我開始research Freemie pump不過好似駁唔到我部Medela Freestyle。但我見上網有人整到。可惜老公都係唔想，又唔幫我看。他衹專注現在軒軒吃奶粉的情況同反應。唉。。。

之後去TJ同Metrotown逛，而老公就去買了個Pixel眼罩。點解佢成日都有時間reseach自己的玩具？係mall在試Recaro但亞仔都有d扭。

返屋企之後再試比奶粉，今次加大分量，亞仔初時皺眉，但同時有肯食。頭半段仲食的幾快，后半段就一時推開一時搶樽，都唔知想點？但見佢肯食個刻確實幾失落。但老公唔明，不過我都唔明。今日全日都不停喊，我分唔到我係因爲無得埋身而失落，定因爲最近接二連三突然發生的分離感而傷心。上一次我什麽都做不到，這次我好想爭取。但老公完全唔支持。身邊朋友都覺得唔應該。我唔想再有遺憾，最近遺憾已經夠多啦。

現在軒軒又睡了一會就哭醒。。。還哭得很厲害，我們怕是他對那隻奶粉敏感所以不舒服。真係食又煩，唔食又煩。。。