昨晚上網問人關於冲奶，最後發現原來有一間超市d過敏奶粉同Medela奶樽特價。。。平到笑（雖然要餵奶粉我根本笑唔出）。。所以一早就帶軒軒一起去買。
之後返屋企軒軒一直都有d扭，搞到我什麽野做不到（除了煎了塊牛扒食）。
下午去驗眼時見到個舊同學吹了一陣水。之後去Starbucks 等夠鐘就接去接老公順便去Costco配眼鏡。
返到屋企本來要餵奶粉，但忘記了，記得時就立刻停埋身。個仔唔知頭唔知路繼續想哄埋0來食。見到呢個情景搞到我都眼紅紅。
之後開奶粉發現支野真係超難飲，好似咸咸地的燒魷魚味。佢飲到皺嗮眉頭。最後只飲了30ml左右。見到有好好味的媽媽奶又唔比得佢飲。。搞到我心思思想之後就是比奶粉我都Keep住pump keep 住奶量等去完香港就從新埋身。不過老公唔贊成，因爲要在香港同日本找地方一日pump5次實在太難。而且到返加拿大之後個仔都唔知肯唔肯食返人奶。唉。。我都十五十六。
其實我心真係好難過。唔係話好抗拒奶粉，而係唔捨得。感覺就好似當日花生突然離開，我什麽都做不到。一種親子關係突然消失。雖然這次聽起來好像兩碼子的事。但我感覺到中間相似的地方。突然無得餵人奶就好似突然中止我同個仔的某種關係。好失落。。。
No comments:
Post a Comment