Aug 28, 2016–Day 124 由背脊轉身啦！

軒軒昨日正式4個月大，今日終于比媽咪影到佢轉身。其實，軒軒好耐之前（大概2個月？）已經轉半身。搞到我以爲佢會好快反身。點知一直都轉唔到。（好似鬧鐘0甘轉就叻）大概三個禮拜前開始識由趴系到反返去背脊。至於背脊反到趴就一直到剛剛的星期四試過一次。當時系我比軒軒喊聲吵醒，見佢反0左身，一隻腳插在床"啦”。但之後就一直未見過。到今日我放佢系地下我去刷牙，返來就見佢趴系樹。之後，我就放相機偷偷拍片。最後比我成功拍到2次。拍的時候爲免軒軒分心，我一直躲在墻後面，就算佢喊和叫我都沒有救他。還好他喊兩下又繼續試。我感覺好似d人形容一樣，做媽咪系適當時要比仔女嘗試，但其實系背後默默支持0甘。

之後約了Auntie Vivian食lunch 同去佢屋企玩章魚燒同鯛魚燒。都ok成功。不過可能之前個晚睡得不好（無開冷氣，睡到中途有點熱仲比蚊咬），加上軒軒一直吵吵鬧鬧的不願意睡。所以，我到5-6點已經唔太舒服。而且後期又突然挂住花生，所以就躲在一旁哭。最後比Vivian見到搞到佢都眼濕濕。其實最近都系甘。出街幾個鐘就開始想哭。可能因爲同其他人一齊唔可以默默悼念佢，所以谷到一個位就要爆出來。而且離開家時就好似離開佢好遠。所以次次玩完開車回家就一路開一路哭。加上見到Miso,唔多唔少都會想起花生。見到我地整番薯時比Miso食，就會想如果花生系到就好啦。如果佢等到，今日就可以一齊來玩了。