第一次成功~薑汁撞奶

前幾日落美國買0左好多餸菜，支有機1%奶都係三個幾美金。。。但原來幾日就過期，好彩發現得早。明天過期但仲有大半支。。。點用好呢？

本來想整西瓜奶，但聽落唔係好吸引...(仲有我試過google "西瓜奶"就后得出一大堆AV照片。。。胃都反埋).所以最後決定挑戰我試過兩次都失敗的薑汁撞奶。



我是根據Leisure
Cat website的方法,但糖我就由一茶匙改爲三茶匙，因爲我記得我以前整燉蛋都要5-6茶匙。。。所以就著量加多2茶匙糖。。


薑汁          一湯匙

1%有機奶   220ml

砂糖          3茶匙

 

方法係先把薑汁放碗内。之後煲熱鮮奶，煲至熱有少許冒煙，將滾時即熄火，加糖 .

之後將熱奶倒落另一個煲內，這為之第一次，然後又將煲內的奶倒回熱煲內，這為之第二次，重複做１０次，最後一次應該在熱煲內。

最後將奶倒入薑汁碗內，不能攪動，不要移動碗，二至三分鐘可吃了。



我不知道以前爲什麽失敗，但既然用這個十次倒來倒去的方法work..我以後都會跟這個方法。



最後出來的撞奶超成功,很滑，就像豆腐花一樣。。。但還是不夠甜。。。但都可以接受，因爲食到底時會比面甜。。。可能下次我會多加一茶匙糖。至於奶味我覺得不夠，可能因爲我用了低脂奶。

我同老公眼定定望住碗野。。。一路估今次會不會成功呢？之後放只羹上去見佢無沉。。。超開心~

食譜參考: http://www.leisure-cat.com/frm_1143(1).htm