0華原來已經兩個多月無寫過進度表啦！
行動方面
軒軒最近越行越快。。。
在大概個多月前開始。。他開始想跑？不過他太心急，成日未企穩就肚腩向前衝。。。搞到一仆一look。但佢完全未驚過,繼續起身再衝過。
到九月頭已經跑到幾步。。。試過係商場我轉身拿東西，他就跑走了。
而且現在很喜歡爬上沙發和在沙發跑。。。試過話好多次都唔怕。最後叫佢坐低就坐幾秒又彈起身。有時見我接著佢仲專登係沙發直接一脚想踏落地。試過跌倒仲好開心。。。。
不過暫時都未識跳，雖然試過係彈床作勢想跳。
另外軒軒好鍾意玩滑梯，爬樓梯超快，但就未可以好穩甘一級一級上。
有時又好鍾意自轉到跌地。無時停。。。
手部活動
媽咪發現他的motor skill真的很好。近一個多月開始喜歡玩buckle…但我怕他夾到手，所以買了個比小朋友專用的buckle toy(但好貴，要成三十蚊加幣)
上個禮拜我仲比個膠水樽佢入棉花棒。。。估唔到佢竟然愛上了。試過可以玩成20-30分鐘。而且現在用匙羹都比之前好了。連飯都but到好多。雖然又時都仲係天一半地一半。
而我們見過他自己那種車仔玩。。。知道拿在手上然後再地上推。。。可能在學校見到小朋友這樣玩吧？
手語
在八月頭左右，開始發現佢學識0左幾個手語.。。分別係Please, More, All done 同水。不過All Done 同水就做得唔太正確。但我覺得其實佢除0左Please之外。。。另外三個都係你講佢就做。。。未必真係知道點解。而佢衹從學0左Please就成日什麽也捽心口。。。連隔離枱d野食到佢都望住人地捽心口。連大粉姨姨都話唔知以爲屋企虐兒無野佢食。
衹有Thank you他就一直不做，你叫他他之後做多次please當係。
語言
講野方面八九月都無大進步。。都繼續係爸爸，媽媽，mum mum, 奶奶, uh oh, 波波, 一，wow wow, 今日多了個 “得”字…不過有時都唔知爸爸媽媽佢知不知道點解。。。係有叫唔係又叫。。。不過又是會使驚無神跟你講某d發音。。。不知道是不是撞彩。。例如叫佢叫婆婆都試過幾次。
八月頭開始自創了一些BB話，係好快一輪嘴講幾個音，但完全唔知講什麽。。又唔係單音。。。例如bi lu bi lu bu lu….好搞笑。
而呢一兩個禮拜發現佢多0左識重複你講的幾個音。不過都係一時時得。0甘多個音佢最凖係個 “No”字，尤其係你同佢要手上的食物，如果他唔想就會say No…婆婆webcam時最鍾意問，之後軒軒say No婆婆就哈哈笑覺得佢好搞笑。
現在打開本圖畫書，問他duck, ball ball, 車車, wow wow,owl, 貓,魚。。佢好多時候都指到。有時會跟著你讀，有時你指，他也會讀比你聽。
而呢兩日發現佢開始講到一些同佢講過好多次的字。。。例如duck, apple, more, all done…More 同all done會真係食野時用了同你溝通。但apple, duck等就係跟你講。。。
模仿
軒軒繼續學野好快，有時喜歡模仿我們的動作。比如爸爸拍媽咪的頭，他也跟著拍媽咪的頭。爸爸錫媽咪，他也錫媽咪（平時不太喜歡錫人，不過經過長期訓練，他終于有叫十次九次都唔錫，到現在叫十次錫八次）
現在如果你叫他，他懂得，那紙巾擦地下，在跟指示掉進垃圾桶。試過他自己在地上執到紙碎后，自動走去掉。不過他試過把自己吃完東西的碗也掉進去。看來他還不太能分析那樣是垃圾。還好暫時只試過一次。但亦試過想拿垃圾桶的檸檬茶盒飲。
掉垃圾，放衣服進洗衣籃或洗衣機，把衣服拿出來給媽媽挂。。。今日試過指住個遙控制他都成功拿過來。。。越來越好洗好用。
性格
依然係開心果，連老師都很喜歡他。九月頭他由BB班轉到中班，老師說他適應的好好，唔扭計。但試過搶玩具，咬人，踢人同要人。不過老師說因爲他在家不會做這些，所以我們比較難教。
不過我地因爲多了帶他跟Janna BB和Brandon BB玩，終于有機會見到他搶玩具同打人，當然我們立刻對他訓話，但他好像不太懂。。。而在家都試過咬,打媽咪和踢媽咪，我們很凶話他他衹會笑。。。我們都未知道可以點教。。
活動
媽媽這個暑假帶他去了很多地方，摘水果，踏單車，去kelowna,看袋鼠和其他動物，去朋友加pool party, 去沙灘游泳。。。但夏天過去了，最近媽咪帶他去了幾個trial class…有個好好玩的gym class 在richmond..但因爲太遠，所以媽咪放棄了。Burnaby 那家又不太好玩。最後媽咪join 了Music Together同軒軒去上音樂班。之前他一歲左右我們去過trial..媽咪覺得麻麻。。但現在再去感覺好多了，可能以爲軒軒大個了很多，終于會跟著老師做動作，還常常幫來説收拾玩具。媽咪發現軒軒有舖收野癮。。。平時自己玩具又唔收，但如果你拿袋或箱給他，他會自動把東西放進去。
飲食
軒軒依然係食野方面幾好。。。係比較唔食菜，媽咪唯有用了煎菠菜蛋，整菜飯等方法。。不過佢間中都突然食幾塊，但通常是完全唔碰，或掉在地上。不過水果都仲肯食。他最喜歡的始終係澱粉質和肉類。不過媽咪發現了原來軒軒中意食魚，所以媽咪現在多了蒸魚和煲魚湯。
但軒軒現在食野好快（如果有胃口時）所以現在BB凳已經困不到他2小時。。不過已經比好多小朋友好。媽咪好多時安頓好他食野后，自己就可以舒舒服服自己食野。現在他多了用匙羹和叉，而且媽咪教了一次就已經知道用手兜著嘴巴等食物唔好跌。（一時時做）
不過就算又是軒軒突然唔食野我們都沒有逼他，由他餓著肚子睡覺。（會喝奶）
睡覺
衹從去了daycare,軒軒很快已經變了一個nap…在學校通常睡1.5-2.5小時。。。但如果假日在家就可以睡2.5-4小時。而且他越來越睡得好。晚上直情會恨睡覺。但最緊要就係要那種他最喜歡的那幾個陪睡stuffed animals…媽咪有時見到都有點吃醋，因爲媽咪沒有什麽機會跟軒軒一起睡。。。而且他也不會很爹我。。好像個stuffed animal 重要過我。
其他
媽咪找到一個吹的BB…示範了一次軒軒就學會了。還玩得很開心。不過都係三分鐘熱度。
今日老師告訴爸爸軒軒上音樂班時好用功，跳足20分鐘。。。爸爸說老師説得時候感覺好像覺得好意外。。。可能軒軒是表演得最興奮的一個吧？她還叫爸爸讓軒軒去學樂器。。。剛巧媽媽買了個Ukulele想唱歌比軒軒聽時伴奏（雖然媽媽是音樂白癡，但希望在youtube可以學到一些見到的）希望可以啓發軒軒對樂器的興趣啦。
媽咪兩個月好勤力。。。上了Positive discipline 和Picky eater workshop。昨天又去了地震準備班。這個禮拜還回去一個專門比Childcare 老師上的workshop…不過媽咪買了和租了很多育兒書都還沒有時間看。
