剛剛和軒軒去玩第二次Kelowna玩。。。軒軒試0左好多新野。第一次去沙灘，第一次食雪糕，第一次摘車厘子。。。
現在的軒軒學野越來越快，好多野你做一次，佢已經識跟住做。
例如沙灘“不”沙入桶，爸爸示範2次他已經自動波成桶自己“不”滿。
摘車厘子都係。
最近他叫媽媽多了，雖然都唔係你要就叫。。。不過試過我去洗手間，他就不停係門口叫媽媽。但都試過自己指著鼻叫媽媽（可能因爲我成日指住自己教佢叫媽媽）
但另外有D情況唔知道係咪撞彩，例如聽過佢叫“唔好”但學校教英文，而屋企又唔多人用“唔好”呢個字，所以唔知係咪真係識。又試過有狗叫，他會說“wow wow”,但我地又係好少教呢個。
佢有時識叫波波和爸爸，但唔肯定係咪真係識。
不過撇除講野，我地都肯定佢知道”媽媽，爸爸，波波，坐低，去街，著鞋，mum mum(食),奶奶”的意思。因爲我們說這些時，他會做出適當的反應，例如著鞋就自己攞鞋。
宜家開webcam call婆婆，會好開心等婆婆接。
另外又成日指住厨房同雪櫃要食野。不過就有點偏食，唔食菜，同衹是某些水果。最中意食鷄腿，烏冬，白飯，香蕉，麵包，餅乾。
現在已經會用匙羹不很“傑”的粥，不過就要反羹放落口先食到。
會自己把連骨鷄腿，玉米（連心）食得乾乾净净。烏冬都唔洗剪，成條自己用手食。也會自己那種飲管杯喝奶。
有時叫佢識自己掉垃圾落垃圾桶。
行路越來越快，應該就來識跑。也會爬高爬低。
