不想忘記，不敢忘記，愛你，聖誕快樂

2010

2011

2016

Day 243 - 軒軒第一個聖誕節！

今日係軒軒第一個聖誕節，嫲嫲爺爺姑姐姑丈過來一起跟軒軒慶祝。（其實軒軒出世前我們很少一起慶祝外國節日的）

今日的晚餐由姑丈和爸爸操刀，而且全部都係無黃豆和牛奶成分的。媽咪終于有啖好食了。

軒軒今日好精靈，好好笑容，同爺爺玩得好開心。嫲嫲買了些餐具比軒軒做禮物（雖然唔知點解會有對粉紅色hello kitty筷子),而姑姐根據爸爸指示就親手整了個有好多條帶的公仔比軒軒咬。軒軒果然很喜歡。

Day 241–Daycare Tour + 見師叔伯

呢排已經超累，昨晚爲了準備今天daycare tour的問題都成2點幾先睡，本來要7點起床準備，但6點左右就比睡不着的老公同我講野整醒我。。。真係超想殺了他。

既然起來了就決定pump一轉奶，pump了一會軒軒就醒了。老公比完奶粉他吃我們就出發去daycare啦。

其實間野地點ok,如果第時媽咪車軒軒返學都可以順路車埋爸爸返工。不過間學校最大問題係比較舊，玩具都好像有些爛。媽咪沒有去過其他daycare (除了一家超貴的牟利機構），所以不知道正常daycare是不是這樣。但總括來説這家daycare是乾净的。不過因爲媽咪4月頭要開工，最後都一定找到一家daycare，所以如無意外，我們都會落deposit了。好彩媽咪上網認識了兩位媽媽，她們都很喜歡這家daycare.所以除了比較舊，設施不算很新之外，其實應該都不是一個差的選擇。（當然媽咪心裏希望軒軒可以去一家比較漂亮和有規模的daycare…但媽咪又不敢要求公司比媽咪放住no pay leave等其他daycare消息）

Tour 玩我們就送爸爸上班。之後媽咪就帶著軒軒到處買回香港的手信。本來下午打算約Auntie Vivian一起買今晚打邊爐的材料，但因爲媽咪實在太多野搞，所以最後沒有跟Auntie去。

晚上，媽咪和爸爸的中學同學們都過來打邊爐。還有幾個本身住在其他城市的uncle，真係超難得。一整晚軒軒除了睡覺的時候一直也很乖。

不過，可能太多人的關係，軒軒由媽咪9點左右帶進房睡覺，扭到最後10點才睡着。沒辦法，人太多，聲量太大了。

期間兩個aunties講起他們的小狗，媽咪又想起花生了。最後帶軒軒進房時，媽咪也忍不住躲在房裏哭了一會。

今日媽咪真係好累，不過爸爸開了一些舊照片大家一起看，還有大家分享最近旅行的照片，講下笑下最後都成1-2點先散。之後媽咪還要pump奶才可以睡覺。

Day 240–Daycare終于有消息了！

今日打電話去daycare問。。終于有位啦。。。雖然唔係心儀那家（其實都唔知邊間先係好）不過呢間價錢，時間，位置 都ok…網上評價也可以。不過聽説比較舊。但點都好，如果明天tour之後接受到我地都會比deposit。因爲想買個保險，而我覺得呢間應該都值得做後備的。都算放下心頭大石。知道那刻竟然有少少感動。這就是“養兒100嵗長休99”的關係吧。

其實連加拿大比較輕鬆的讀書環境我都0甘大壓力，好難想象如果我地係香港會點？

Day 239 - 媽咪今日好崩潰呀~

唔知軒軒今日搞什麽鬼，吃東西（除了baby food)又發脾氣，整天不停哭。但又不像不舒服。。。反正就係超級扭計。搞到媽咪很辛苦，最後媽咪又忍不住發返軒軒脾氣不停切斯底理地叫。。。係媽咪的錯。。媽咪EQ太低。。

媽咪今日還在老細之前催逼之下，今日係安撫住麻煩軒軒期間不停一間間daycare打去follow up。。。最后竟然有一間話可能有位會明天回復我。

到下午去看醫生打甲型肝炎針時，醫生竟然讚軒軒乖又話媽咪凑得好。軒軒你d戯實在太好了。不過醫生話支針最好一歲后先打，所以叫媽咪在香港比野軒軒吃時候小心點就可以了。

之後我地接爸爸去買糊仔比軒軒返香港吃。不過唔軒軒食開那款oatmeal cereal要買Multigrain…希望Ok啦。買完我們就回家了。不過軒軒回家還是很扭計，連平常睡得最後的晚上那覺也扭到九點多。

另外係等爸爸期間發生了一件小意外。事源係屋企無嗮片片但因爲軒軒太扭計，搞到媽咪要用游泳片頂住。但媽咪忘了游泳片係唔吸水的，所以當媽咪抱著軒軒吃奶時就出事了。最後軒軒要換衣服而媽咪成條褲都濕透了。不過其實都算好彩因爲當時媽咪抱著他所以車和carseat都沒有弄髒。而且之前一路等醫生看醫生都沒事。所以最後要先趕緊去買片片才去買糊仔。

Day 238 - 回港前再見一次兒科

今日一早就落Richmond看兒科醫生。跟之前一樣都係問下醫生問題。軒軒一路都幾乖。之後醫生同佢檢查話佢一切正常。今日醫生話以後幫他磅重不用脫尿片，因爲他已經大個了。磅完重醫生話磅數Ok。

看完醫生我們就去metrotown買甲型肝炎針等家庭醫生明天幫軒軒打。另外我去Bed Bath & Beyond買手信比軒軒的契姨媽。不過因爲媽咪心大心細要不要買給其他人，所以搞了很久，所以軒軒開始不耐煩。最後媽咪要出動了整包水果乾才安撫到軒軒。都係媽咪麻煩。。。沒有帶babyfood比軒軒。可能他太肚餓了。

之後我們回家待一會就去接爸爸一起去機場outlet。今日主要係媽咪想買幾件衣服會香港穿。原來outlet有UGG,可惜媽咪看中的那對紫色沒有貨。不過在UGG 媽咪看到已經很可愛的poodle.媽咪趕緊問它的主人在哪裏買。其實媽咪還未ready再養，不過還是先問了。可能有一天媽咪可以打開心扉去再愛另一隻小狗呢？

最後媽咪順利買了幾件sweater，其實媽咪很少買sweater…今日竟然買的4件都係sweaters…另外我們在outlet竟然見到Uncle Andrew,我們猜他應該是來買聖誕禮物吧？

Day 237 - 帶軒軒去媽咪公司開party

因爲星期日大雪關係，今日溫哥華交通變得很混亂。老公早上已經提醒我下午去公司開party時要小心。但我以爲衹是公車和繁忙時間有問題，哪知道我下午12點多出門口路上還是很糟糕。平常要八個字的路程，最後我用了一個半小時才到達。加上本身軒軒午睡時間就不到，所以12點開始的party我們差不多1點半有多才到。本身也挺期待的，因爲軒軒現在會自己坐自己吃東西，不過最後感覺好像有點格格不入。不知是不是因爲太久沒有上班的關係。

到玩bad santa時雖然我抽不到自己買的lodge 煎pan，但都抽到個josephjoseph 盤用來洗奶樽。仲同我個bottle rack 一樣係綠色。另外還收到老細送的$250 UGG giftcard。雖然好多錢，但點解佢要送d0甘specific的giftcard…我都唔想買UGG。唔通因爲很久以前佢見過我穿一對爛0左的假UGG?

在離開前老細說有些事要跟我談。原來他想知道我會不會四月回去開工，否則他要請contractor替我。問題是我還沒有找到托兒所，所以我根本沒有答案。但他很想現在知道答案。其實我好想告訴他我不介意遲幾個月開工拿no pay leave。但怕他會因爲這樣而炒我。雖然他說不會，但始終他是有權不讓我放no pay…我怕他說ok之後反悔。。。唉本來正爲快要回香港而興奮的心情一下子就比他弄糟了。現在每天都要擔心他會不高興，好像欠他一個答案似的。但其實距離我開工還有3個多月，如果不是撞正4月peak season佢應該不會chur我吧。

之後整晚都為這件事苦惱。又怕找不到daycare..又怕拖這老細他不高興。其實好想no pay多幾個月陪軒軒。因爲我發現其實這幾個月來我都好忙，無真真正正陪佢玩。通常照顧好佢基本需要同扭計時安撫佢已經用了大部分時間。剩下的時間我就趕緊去做家務。好像整天都唔會主動坐在他旁邊專心陪他。希望返完香港剩下的日子我可以專心點陪他吧。

軒軒都一起穿ugly sweater呀！

Day 235 - 一年一度聖誕party有軒軒份啦！

時間過得真係快！好似無耐前先陀住軒軒同中同們開聖誕party，今日已經可以帶埋開始識扶住沙發企的選選一起參加了。

雖然媽咪要戒口但好多aunties都專登整d我食得的野，所以媽咪都有啖好食。

軒軒今日都幾乖，而且玩到過來睡覺時間都沒有扭計。仲不停周圍撩人玩，又去搞朋友仔Brandon。不過今日第一次見Uncle Evan就有少少怕。

媽咪今日專登叫Uncle Patrick開卡拉ok比媽咪唱”浪花一朵朵”給軒軒聽。但佢好唔比面，不停望來望去。

最後玩Bad Santa時候媽媽換了個Olaf 比軒軒等佢有個新公仔陪睡覺。

到了10點左右大部分人都離開了，本來媽咪爹地帶來帳篷床仔比軒軒，打算讓他睡而我們剩下的人繼續傾計。但我們放他進去之後他就哭得很凄涼。最後Auntie Vivian又唔捨得（其實媽咪都怕軒軒怕陌生)所以就叫媽咪不要逼他睡。但因爲已經很晚，所以我們最後就決定回家了。

Day 229 - 軒軒第一個聖誕派對~

本來還有兩堂游泳班。但因爲今天要去爸爸公司搞的聖誕親子日而下個禮拜要去美國outlet，所以軒軒的游泳班就這樣悄悄地完結了。

早在萬聖節的時候媽咪已經買了一件Elf露腿one piece比軒軒。不過一直苦惱究竟下身穿什麽。媽咪一直找不到合適的襪褲，但沒有襪褲的話又怕軒軒冷親。好在就在昨天媽咪在H&M找到了。

我們大概12點半到達。頭一小時是自由活動。公司租了個社區中心，那裏有很多玩具。不過軒軒太細個，所以衹能玩一下小小的東西，什麽曲棍球和吹氣床都還不可以玩。

之後我們就到basement整薑餅人和拿了個花花氣球。可惜媽咪忘了幫氣球拍照。其實那裏還可以Face painting,不過我們沒有玩。到兩點左右，爸爸問了同事知道聖誕老人要2點半才出現，所以我們就帶軒軒到車上吃奶。不過他不太專心。

回去時聖誕老人已經開始叫小朋友上前拿禮物和拍照。原來老公公司安排了禮物給每一位小朋友。真的很貼心。

最搞笑係其實個聖誕老人係老公一個同事扮的，但當到他14個月大的女拿禮物時，她竟然因爲太害怕而哭了。反而軒軒因爲太細個，不懂得害怕，所以他是唯一一個讓聖誕老人抱著拍照的小朋友。但他對聖誕老人太好奇，所以沒有望鏡頭。

派對完了我們就去MEC看看有沒有背包適合去旅行時做Diaper Bag，因爲媽咪不太喜歡amazon買的那個。最後選了一個差不多要加幣160的。媽咪眼光實在太好了。但因爲太貴，所以我們都係買回來試試看再考慮。如果找到另一個比較便宜的就退了這個。

沮喪

鄭嘉穎呀，你要記住，凑仔係你的責任，就算你付出幾多，你都唔好覺得應該有回報。就算係想人appreciate都係過分的事。難道對方唔appreciate甚至唔想你做0甘多你會對個仔差d0羊？唔會呀嘛。0甘即係自願啦。你記住個仔係你0架，你愛佢，想比最好的野佢，但唔關其他人事，唔好expect人地體諒呀~

Day226 - 越來越百厭

呢個禮拜終于唔洗去看醫生，BB班又打算放棄，因爲有一堂唔想上，另外sign language因爲明天會下大雪所以老公唔比我0地去。不過係屋企都唔係做到好多野。因爲呢個幾禮拜開始，軒軒真係超百厭。唔只爬來爬去，仲開始想往上爬。想爬沙發，想爬我大腿，爬我背脊。但又爬唔穩，成日跌。而且現在完全不讓媽咪走開。本來我都由佢喊，但聽講BB到6-7個月就有separation anxiety。0甘媽咪唯有坐係沙發陪住軒軒啦。不過陪多左佢先發現其實平時太忙于家務而忽略了他。呢幾日陪佢玩成日見佢笑，媽咪都好開心。不過就真係無嗮時間。距離返香港日子越來越近，但其實好多野都未準備好。不過呢兩日開始約朋友，搞到成個whatsapp都係約食飯chat。其實都有d期待，希望到時唔好比人笑我肥啦。

呢個禮拜頭溫哥華下了第一場雪，仲係呢幾年最大的一場，我們趁機同軒軒出去拍照。他一點也不怕，還爬來爬去，仲想食雪。不過希望日本今年唔好太凍啦。否則我們一月去旅行就好麻煩啦。

今日老公趁風雪來臨前落point robert拿包裹。期待已久的hipseat終于收到啦。不過quality比我想像仲差。但都可以接受。朋友用過說好用又便宜。而且網上有千多個reveiws，所以都買了。美金43而已。

另外還收到一set4頂的BB Beanie帽。但軒軒已經睡覺了，所以我要明天才可以試試看。

Day 222 - 游泳班+媽咪做facial+行商場

因爲昨晚媽咪太晚睡覺，今天起來還是很累。所以餵飽軒軒之後媽咪就學daddy   0甘比軒軒自己係mat玩而媽咪就半睡半醒地做人肉圍欄。軒軒真係精力充沛，整整2小時不停爬來爬去。一時玩玩具，一時過來拍媽咪，一時錫媽咪，之後有一次媽咪醒了發現軒軒在食書。。。唉。。。

下午我們就帶軒軒去游泳。

上完游泳班媽咪就留軒軒比爸爸照顧，自己去做facial了。媽咪已經一年多沒有去這個美容師那裏做facial了。但因爲快要會香港，所以媽咪就來做一次（其實主要係想修眉）。

回家后爸爸說軒軒睡了2小時，而且是乖乖去睡，沒有扭計。點解次次爸爸凑軒軒，軒軒都好似特別乖？另外爸爸說軒軒午餐吃了大概40g固體（螺絲粉加baby food加椰菜花）。

之後爸爸提議到Metrotown逛逛。最後我們又買了東西給軒軒。

CAD9.99買了對有拉鏈的鞋比軒軒，希望呢對唔會替甩啦。另外買了張全棉的被仔比軒軒去日本用。CAD16.99

晚餐我們吃了Burrito（因爲他們有soy free 同dairy free options), 吃飽飽我們就打道回府了。

回家就再比固體軒軒吃。最後他大概吃了60-70g (應該有10-15條螺絲粉連椰菜花和baby food)。比起昨天，軒軒主動多吃了點。原來比新野BB食真係可能要幾次佢先肯食0架！

Day 220–Sign Language + 磅重

本來今日應該八點幾起身準備去sign language class。不過媽咪睡過頭，起身已經九點幾。唯有九秒九弄醒軒軒出發。最後連片都無換，奶都無食就撇。

上完堂，媽咪就帶軒軒去超市買奶袋，之後見到Baby food減價又買了一大堆。

之後，我們去了public health nurse 樹磅重。。。唉。。。10日重得50g。之後同姑娘傾，佢叫我一日加固3次同2次小食。我一日一次都已經忙到爆炸,邊可能一日五次。加上BLW方法的善後工作同埋佢根本玩多過食，搞到我好沮喪。

到5點幾我地就去接爸爸放過去walmart逛逛和去carter’s買口水肩。媽咪最近真係洗好多錢。

上面係今日超市同walmart買的。買了奶袋，wet wipe袋，baby food 同豆（高鐵質）.

其實d口水肩唔係話好靚，但之前用過都幾好用。所以又買啦。其實軒軒本身已經有40個口水肩，但因爲好多係人地送，唔太喜歡，或者太緊。。。又或者有d就已經好殘。另外買了對好軟的鞋比軒軒保暖。（個款都係普通，但朋友介紹，話個襪位比較長，BB無0甘易踢甩。

以上係今日amazon收到的貨。個奶樽架好靚呀。。。不過朵花花同蝴蝶用起來就有點論盡。下面係奶粉格同微波爐消毒袋。（去日本用）